Sechseläuten
Sechseläuten Appenzellerland 2024
Sechseläuten Feuer 2024
Am Sächsilüüte wäg vill Wind,
da bliibt em Böög sind runde Grind
ganz uf em Körper – ohni Füür;
doch d’Appizäller händ es Gschpüür
und säged sofort – ganz bescheide –
«mir verbränned dä, bis Eus in Heide!»
Gesagt, getan und gar nöd fuul –
und d’Zürcher finded’s würkli cool! –
Händ d’Appizäller alles planed
und alli Zürcher ane bahned
und au de Böög nach Heide gfüehrt
und det e grosses Füür agrüehrt!
Bi ganz vill Räge hät er brännt,
mer hät en bald scho nöme kännt;
am Schluss tuets ihm dänn doch verleide
und s’gheit sin Chopf – grad det in Heide –
vom Chnebel brännend uf die Wise;
und schliessli isch es dänn erwise,
dass’ ihn mit grossem Knall vertätscht!
Kein Zoifter macht jetzt no en Lätsch!
Jetzt cha de Summer ÄNDLI cho;
mir Widder-Zoifter sind drum froh!
![](assets/images/9/2024-sechselaeuten-appenzelljpeg-25c56e09.jpeg)